Այսօր՝ փետրվարի 24-ին, Գեղարքունիքի մարզում տեղի ունեցավ ողբերգական ավտովթար, որի հետևանքով մահացել է վարորդը։
Դեպքը տեղի է ունեցել ժամը 21։00-ի սահմաններում Գեղարքունիքի մարզի բնակիչ 39-ամյա Արմինե Մ․-ի վարած «Nissan Teana» մակնիշի ավտոմեքենայի հետ։ Ըստ նախնական տեղեկությունների՝ վարորդը կորցրել է վերահսկողությունը իր ավտոմեքենայի վրա, դուրս եկել ճանապարհի երթևեկելի գոտուց և բախվել Վարդենիկ գյուղի 26-րդ փողոցում գտնվող քարե պատնեշին։
Ավտովթարի մասին տեղեկությունը ստացվել է ոստիկանության Մարտունու բաժնից։ Դեպքի վայր է անմիջապես ժամանել ՀՀ ՆԳՆ ոստիկանության Պարեկային ծառայության Գեղարքունիքի մարզի գումարտակի 2-րդ վաշտի 2-րդ դասակի պարեկների խումբը՝ գումարտակի հրամանատար Աղասի Խաչատրյանի, գումարտակի հրամանատարի տեղակալ Իգոր Ղազարյանի, գումարտակի ծառայության ավագ տեսուչներ Բակուր Սարիբեկյանի և Ներսիկ Գրիգորյանի գլխավորությամբ։ Տարածքը սահմանազատվել է նույն վաշտի պարեկների կողմից։
Դեպքի վայր է ժամանել նաև ՀՀ ՆԳՆ փրկարար ծառայության Մարտունու հրշեջ փրկարարական ջոկատից՝ 1 մարտական հաշվարկ։ Տեղի է ժամանել նաև ՀՀ ՆԳՆ ոստիկանության համայնքային ոստիկանության գլխավոր վարչության Մարտունու բաժնի օպերատիվ խումբը։
Քրեական վարույթի նախաձեռնումը և դեպքի հետաքննությունը կատարվում են ՀՀ ՆԳՆ ոստիկանության Գեղարքունիքի մարզային քննչական վարչության Մարտունու քննչական բաժնում՝ վարչության պետ Սարգիս Մարգարյանի, վարչության պետի տեղակալ Արման Հովհաննիսյանի և բաժնի պետ Արթուր Ավագյանի ղեկավարությամբ։ Քննիչի հանձնարարականով ավտոմեքենան տեղափոխվել է ոստիկանության Մարտունու բաժնի պահպանվող հատուկ տարածք։
Վթարի հետևանքով վարորդը տեղում մահացել է։
